تمارين رياضية

الرياضه وشد الجسم

مبدئيا جسمك مش هيتشد والترهلات تروح وانتي قعده قدام التليفزيون  , ولا بشويه تمرينات مكملتيش فيها ساعه , الرياضه حلوه مفيش كلام, وبتجيب نتيجه بس في فرق بين الرياضه والجسم الرياضي , انك تخسي او جسمك رفيع ده كوم , والجسم الحلو ده كوم تاني , لان مش اي حد رفيع جسمه  بيكون مشدود وجلده بيلمع مفيهوش غلطه , بالعكس كتير من الرفيعين عندهم نفس مشكله التخان , ومنها علامات التمدد والسيلولات يعانوا منها التخان والرفيعين .

الجسم مبني ومتكون من ثلاث طبقات

اولا:- في العظم

ثانيا:- في العضلات

ثالثا:- في الدهون

كل مالدهون زادت كل مالعضلات اتغطت , وكل مالعضلات قله كل مالجلد اصبح مترهل , وكل مالعضلات قله كل ماستهلكت طاقه اكتر وحرقت دهون اكتر وخسيتي بشكل احسن وجسمك اتشد وبقه جميل .

مش مهم ان جسمك يكون حلو وانتي لبسه الهدوم , المهم ان جسمك يكون حلو من تحت الهدوم , يعني يكون مشدود ومنسق مش مترهل تحت اللبس .

اي تمرين لازم يتلعب بنظام , يعني بمجموعات وعدات , العده هي كل مره بتعملي فيها الحرقه , والمجموعه هي عدد العدات كلها .

خمسه عشر عده في ثلاث مجموعات , يعني بتعدي كل حرقه لحد 15 وتهدي دقيقه وتعدي 15 حرقه وتهدي دقيقه وتعدي اخر 15 .

طل مالوزن اللي انتي شايلاه سواء علي الجهاز او حر في ايديكي زاد كل ماهتقللي العدات مثلا 10 وكل ماكنتي مبتدئه والاوزان لسه خفيفه بتزودي العدات لحد مثلا 15 عشان تعملي انديورنس وتبدا عضلاتك ومفاصلك يبقي عندها قابليه تشيل ومتتعبكيش .

اللي قدامه فرصه ينزل جيم اوعي تترددي , ودي تمارين اساسيه لازم تتمرنيها ممكن في الجيم او البيت , من الضروري جدا ان يكون عندك صبر وصبر طويل جدا كمان , لان مفيش حاجه بتكون في يوم وليله .

ومن النصايح الحلوه برضو بلاش سهر , ممكن اسهر يوم عادي واقضيها عك في عك وادلع كرشي علي الاخر .

انتي ليه مش بتاخدي بالك ان لو ظبطتي جسمك هيبقي شكلك حلو في اي لبس , نفسيتك هتبقي في السما , هو ساعه في اليوم تمرين واكل صحي ونظام غذائي متوازن .

نفسك راحت علي اي حاجه دوقيها عادي جدا بس دوقيها وبس , اياك والسهر هتضعفي السهر كارثه هيخليكي تاكلي بزياده وانتي مش حاسه , بلاش تطلعي زعلك او فرحك في الاكل .

الرياضه بتفرز هرمون السعاده وهتزودلك هرمونات الانوثه في جسمك , واعرفي التمارين المنزليه اللي هتساعدك تتمرني في البيت لوحدك .

حافظ علي جسمك نظام غذائي متوازن , تمارين هوائيه , وتمارين شد ومقاومه .

اظهر المزيد
إغلاق